COVID-19 ရောဂါလက္ခဏာအများအပြားသည် တုပ်ကွေး၊ သာမန်အအေးမိနှင့် အခြားအခြေအနေများနှင့် ဆင်တူသောကြောင့် တစ်စုံတစ်ဦးတွင် COVID-19 ရှိမရှိ အတည်ပြု နိုင်ဖို့ စစ်ဆေးရန်လိုအပ်ပါသည်။ ရောဂါလက္ခဏာများသည် ဗိုင်းရပ်စ်နှင့် ထိတွေ့ပြီးနောက် ၂ ရက်မှ ၁၄ ရက်အတွင်း ပေါ်လာနိုင်ပြီး သာမန်အအေးမိခြင်းအခြေအနေမှ ပြင်းထန်သောဖျားနာမှုအထိ ဖြစ်နိုင်ပါသည်။ အချို့သောရောဂါပိုးရှိသူအချို့သည် မည်သည့်လက္ခဏာမှ မပြပါ။ အဖြစ်များဆုံးလက္ခဏာများမှာ ဖျားခြင်း၊ ချောင်းဆိုးခြင်းနှင့် မောပန်းနွမ်းနယ်ခြင်းတို့ဖြစ်သည်။ အခြားရောဂါလက္ခဏာများတွင် အသက်ရှူမဝခြင်း၊ ရင်ဘတ်အောင့်ခြင်း သို့မဟုတ် ဖိအားများ၊ ကြွက်သား သို့မဟုတ် ခန္ဓာကိုယ်ကိုက်ခဲခြင်း၊ ခေါင်းကိုက်ခြင်း၊ အရသာ သို့မဟုတ် အနံ့ပျောက်ခြင်း၊ စိတ်ရှုပ်ထွေးခြင်း၊ လည်ချောင်းနာခြင်း၊ နှာရည်ယိုခြင်း၊ ဝမ်းလျှောခြင်း၊ ပျို့အန်ခြင်း၊ ဝမ်းဗိုက်နာခြင်းနှင့် အရေပြားနီမြန်းခြင်းတို့ ပါဝင်နိုင်သည်။ အရေးပေါ်ဆေးကုသမူခံယူရန်လိုအပ်သောလက္ခဏာများမှာ အသက်ရှူရခက်ခဲခြင်း / အသက်ရှူမြန်ခြင်း သို့မဟုတ် အသက်ရှူမဝခြင်း (ကလေးငယ်များနို့မသောက်နိုင်ခြင်း,အော်ငိုနေခြင်း)၊ နှုတ်ခမ်းပြာခြင်း သို့မဟုတ် ရင်ဘက်အောင့်ခြင်း သို့မဟုတ် ရင်ဘက်တွင်ဖိအားများနေခြင်း၊စိတ်ရှုပ်ထွေးခြင်း၊နိုးနိုးကြားကြားမရှိချင်း၊ မတုံ့ပြန်နိုင်ခြင်း၊ရေမသောက်နိုင်ခြင်း သို့မဟုတ် အရည်တခု့ခု့သောက်သုံးပါက ပြင်းထန်စွာဗိုက်နာခြင်း တို့ဖြစ်သည်။

အကယ်၍ သင်သည် ကာကွယ်ဆေး အပြည့်ထိုးပြီးသော်လည်း COVID-19 ၏ လက္ခဏာများ ပြသနေပါက ဆေးစစ်သင့်မသင့်ကို သင့်ဆရာဝန်ထံ ဆက်သွယ်သင့်ပါသည်။

ဟုတ်ကဲ့ ၎င်းဆေးများသည် ထိ‌ရောက်မှုရှိပါသည်။ COVID-19 ကာကွယ်ဆေးများကို တတ်နိုင်သမျှ မြန်မြန်ဆန်ဆန် တီထွင်ထားသော်လည်း ဘေးကင်းပြီး ထိရောက်မှု ရှိစေရန် နိုင်ငံတကာ သဘောတူထားသည့် စံနှုန်းများနှင့် ကိုက်ညီကြောင်း သက်သေပြရန် ပြင်းထန်သော စမ်းသပ်မှုများကို လက်တွေ့စမ်းသပ်မှုများ ပြုလုပ်ထားရပြီး ၎င်းတို့သည် အဆိုပါစံနှုန်းများနှင့် ကိုက်ညီမှသာ ၎င်းကာကွယ်ဆေးများသည် WHO နှင့် နိုင်ငံလုံးဆိုင်ရာ စည်းကမ်းထိန်းသိမ်းရေးအေဂျင်စီများထံမှ တရားဝင်အတည်ပြုချက်ရရှိခြင်းဖြစ်ပါသည်။